Ливия басшысының Ресейге сапары бүгін басталады

Үш күндік бұл сапары барысында Муаммар Каддафи энергия мәселесі мен қару саудасына назар бұрмақшы. Ресейдің бұрынғы президенті Владимир Путин Ливияға биылғы жылдың сәуір айындағы сапары кезінде Ливияның төрт жарым миллиард долларлық қарызын кешірген болатын. Оның орнына тиімді келісімдер жасау келісілген еді. Ливия басшысы бұдан бұрын, Советтік Ресей кезінде, 1985 жылы мұнда сапармен келген екен.