Ауғанстандағы шабуылдан 21 адам қаза тапты

Ауғанстанның шығысында бір жанкешті 20 қарапайым азамат пен АҚШ сарбазын өлтірді. АҚШ әскерилерінің баспасөз хатшысы Уалтер Мэтьюстің айтуынша, АҚШ көлігіне жасалған бұл шабуыл Нангархар өлкесінің Бати Кот ауданында орын алған. Ауғанстанның денсаулық сақтау министрлігінің ресми өкілі Ажмал Пардестың хабарлауынша, бұл жанкештілік жарылыстан сондай-ақ 74 адам жарақат алған. Шабуылға байланысты жауапкершілікті ешкім өз мойнына алған жоқ.