Ресейде банкирдің өліміне қатыстылар жазаланды

Ресей қаржыгері Алексей Френкель банкирді өлтіруге тапсырыс бергені үшін 19 жылға түрмеге жабылды. Ақшаны жымқыру мен жемқорлыққа қарсы науқан бастаған Орталық банк басшысының орынбасары Андрей Козлов 2006 жылдың қыркүйек айында Мәскеуде оққа ұшқан болатын. Прокурорлардың айтуынша, Козлов Френкель банкінің лицензиясын жойған. Сөйтіп Френкель кек алу үшін Козловты өлтіруге тапсырыс берген, дейді олар. Козловтың өліміне қатысты тағы басқа 6 адам әртүрлі түрме жазаларына кесілді.