Дүниежүзілік диабетке қарсы күрес күніне арналып, Алматыда “Өзіңді диабетке тексер” деген қайырымдылық шара өтті. Онда қандағы глюкозаның құрамы, диабет ауруларының белгілерін анықтау тегін тексерілді. Және диабеттен емделудің жаңа әдіс-тәсілдері айтылып, Диабет ауруына қатысты фильм көрсетілген. Қазақстанда қант диабетімен ауыратындар саны күннен-күнге өсіп барады. Денсаулық сақтау министрлігінің мәліметі бойынша, Қазақстанда 157 мың адам осы дертке шалдыққан. Жалпы әлемде 250 млн-нан аса адамда диабет ауруы бар, егер онымен күрес жүргізіп алдын алмаса алдағы 20 жылда дертке шалдығушылар қатары екі еселенуі мүмкін дейді мамандар.