Қарзай Талибан жетекшісі келіссөзге көнсе, қауіпсіздігіне кепілдік болады деді

Жексенбі күні Ауған президенті Хамид Қарзай егер Талибан жетекшісі Мулла Омар бейбітшілік келіссөзін жасағысы келсе, оның қауіпсіздігіне өзі кепілдік беретінін айтты.

Қарзай бұл туралы баспасөз мәслихатында мәлімдеп, президент ретінде оны қорғай алатынын алға тартты. Ол халықаралық қауымдастық мұны түсініп қабылдауы тиіс деген. Талибан бүлікшілерінің шабуылдары көбейген соң олардың жетекшілерімен келіссөз өткізу мүмкіндігін Ауғанстан мен оның одақтастары қарастырып келеді.