Бүгін Ресейдің әскери соты журналист Анна Политковскаяның өліміне қатысты тыңдауларын бастады. Төрт адамға журналисттің өліміне қатысы бар деген айыптар тағылып отыр бірақ айыпталушылардың арасында Политковскаяны өлтірген күдікті мен оны өлтіруге тапсырыс берген адамдар жоқ. Анна Политковская 2006 жылдың қазан айында Мәскеудегі пәтері жанында оққа ұшқан болатын. Ол өз мақалаларында Шешенстан соғысындағы Ресей күштерінің зорлық-зомбылық әрекеттері туралы жазып, ресми Кремлді өткір сынға алатын.
