Мумбайдағы шабуылға қатысы бар күдіктілер ұсталды

Пәкістан күштері Мумбайдағы шабуылдың ең басты ұйымдастырушысы деп күдіктелген адамды қамауға алған. Атын атағысы келмеген ресмилердің айтуынша, даулы Кашмир аймағындағы Музаффарабад қаласында жүргізілген рейд барысында тұтқындалғандардың арасында Заки-ур-Рехман Лахви де бар. Ол тыйым салынған Лашкар-е-Таиба тобының бас қолбасшыларының бірі болуы мүмкін. Үндістан ресмилері 170-тен астам адамның өмірін қиған Мумбайдағы шабуылдарға байланысты осы Лашкар-е-Таиба тобын кінәлап отыр.