Ресей әскері грузиялық ауылға қайта кірді

Грузия ресмилері Ресейдің жүздеген әскері жікшіл аймақ Оңтүстік Осетиямен шекаралас Грузияның даулы ауылына қайтып барғанын айтты. Ішкі істер министрлігінің өкілі Шота Утиашвили хабарлап отырғандай, ресейлік күштер Перевидегі Грузия полициясын қуып шыққан. Тамыз айындағы Ресей-Грузия қақтығысынан кейін атысты тоқтату келісімін бақылаушы Еуропа Одағы миссиясы Ресейді әскерін шығаруға шақырып отыр. Ресей күштері бұл ауылдан жұма күні ғана шыққан болатын.