Ресей әскери кемелері Кубаға барды

Куба жағалауына бүгін жеткен ресейлік 3 кеме Совет үкіметі құлағалы бергі ол елге барған алғашқы ресейлік кемелер болып отыр. Олар Гавана жағажайында 5 күн тұрмақшы. Сарапшылардың айтуынша, Ресей өзінің әскери-теңіз күштерін Американың ту сыртына жеткізуде. Мұның өзі ресми Вашингтонның Грузия және басқа да бұрынғы совет республикаларына көрсетіп отырған қолдауларына Кремлдің жауабы ретінде жасалып отыр.