РФ президенті баспасөз қызметінің хабарлауынша, Дмитрий Медведев ҚР президенті Н.Назарбаевты Жаңа жыл мерекесімен құттықтады.
«Аяқталған жыл екі елдің байланыстарын әрі қарай нығайтуда маңызды кезең болды. Ежелден тату көршілік пен ынтымақтастығы жарасқан Қазақстан мен Ресей қарым-қатынасының жемістілігі Сіздің бастамаңызбен таяуда ғана қазақ жерінде өткен кездесуде анық байқалды, бұл өткен жылды қорытындылау ғана мес, алдағы жоспарларды белгілеу үшін де маңызды басқосу болды», — деді Д.Медведев.
