Есіргепов абақтыда аштық жариялады

«Алма-Ата Инфо» газетінің бас редакторы Рамазан Есіргепов Тараз қаласындағы тергеу абақтысында аштық жариялады. Адвокат Анна Пахотаның Азаттық радиосына хабарлауынша, Есіргепов камерада жалғыз отыр. Сейсенбі күні Алматыдағы кардиология институтында емделіп жатқан журналист Есіргеповты Ұлттық қауіпсіздік комитетінің адамдары тұтқындап алып кеткен болатын. Оған өз қызметін асыра пайдаланып, құпия мәліметтерді жариялады деген айып тағылып отыр.