Баграмдағы тұтқындар құқықтарын талап етуде

Ауғанстандағы АҚШ-тың Баграм әуе базасында лаңкестікке қатысы бар деп күдіктелген 4 адам АҚШ сотынан Гуантанамо абақтысындағы тұтқындардың құқықтары сияқты оларға да осындай құқық беруді сұрады. Йеменнің 2 азаматы мен бір ауғандық және Тунис азаматы бұл талаптарын АҚШ Жоғарғы сотының маусым айындағы шешімі негізінде түсіндіріп отыр. Оған сәйкес, тұтқындар өздеріне тағылып отырған айыптар мен оған қатысты дәлел-айғақтарды білуге құқылы.