АҚШ өкілі Палестина басшысымен кездесті

АҚШ президенті Барак Обаманың Таяу Шығыстағы өкілі бейсенбі күні Батыс жағалауда Палестина автономиясының президенті Махмуд Аббаспен кездесті. Джордж Митчелл Израиль мен Палестина арасындағы бейбітшілік келіссөздерін қайта жандандыру үшін аймаққа сапармен барды. Митчелдың айтуынша, қазіргі басты мақсат Израиль мен Хамас арасындағы атысты тоқтатқан Газа секторындағы бітімді кеңейту боп табылады. Джордж Митчелл Газа секторын бақылайтын исламшыл Хамас тобының өкілдерімен кездеспейді.