НАТО альянсы жаңа мүшелерді қабылдауға ашық

НАТО-ға мүше елдер мемлекеттің мүмкіндігін қатты әлсіреткен экономикалық дағдарысқа қарамастан Украинаны қарулы күштерінің реформасын жалғастыра беруге шақырады. Польшаның Краков қаласында өтіп жатқан “НАТО-Украина” комиссиясының отырысында АҚШ-тың қорғаныс министрі Роберт Гейтс осындай мәлімдеме жасады. Өз кезегінде Украинаның қорғаныс министрі Юрий Ехануров жаңа мүшелерді қабылдауға НАТО-ның ашық болуы ресми Киев үшін өте маңызды екенін атап көрсетті. Бейсенбі және жұма күндері НАТО-ға мүше елдердің қорғаныс министрлерінің кезекті мәжілісі болып өтті. Оның барысында талданған ең маңызды мәселенің бірі – Ауғанстандағы саяси-әскери мәселелерді шешуге бағытталған бірлескен іс-қимылды еселеу болды.