Иранның саяси тұтқыны Әмір Хешмат Саран наурыздың 6-да Караж қаласының Ражайа ауруханасында қаза болды. Сәрсенбі күні халі нашарлаған оны түрмеден ауруханаға ауыстырған екен. Заңгерінің айтуынша, жүрек талмасымен ауыратын оған түрмеде тиісті медициналық көмек көрсетілмеген. Ұлттық бірігу майданының басшысы Саран осыдан бес жыл бұрын тұтқындалып, 8 жылға түрмеге жабылған болатын. Оған шағын топ құрғаны үшін айып тағылған еді. Саранның өлімі жұмбақ жағдайда болды, деп оның отбасы мүшелері істі тексеруге бермекші.