Accessibility links

Германия: Ауғанстан үкіметі Талибанға байланысты шешім шығара алады


“Тек Ауғанстан үкіметі ғана Талибанның байсалды бағыттағы тұлғаларымен келісімге келу я келмеу керектігі жөнінде шешім жасай алады”, деді Германия Қорғаныс министрі Франз Йозеф Юнг наурыздың 10-да, Ауғанстанның солтүстігіне барған сапарында. Министр Мазари-Шарифте сөйлеген сөзінде мұндай қадамдардың тек Талибан қозғалысы күш қолданудан бас тартқаннан кейін ғана жасалатындығын ескертті. Ол осы сапарда жалпы қауіпсіздік жағдайын анықтап, Ауған полициясын жаттығудан өткізу бағдарламасына қатыспақшы. Сондай-ақ Құндыз аймағындағы қайта қалпына келтіру істерін көрмекші.

Германияның 3800-дей әскері қазір Ауғанстанда тұр. АҚШ пен Британия Ауғанстандағы әскер санын көбейтуге Германияны шақырып отыр.

Юнг дүйсенбіде Өзбекстанның Термез қаласындағы Германия күштерінің әуе базасында болды.


AzattyqTV

Аудиоподкаст

XS
SM
MD
LG