Accessibility links

Көкшетауда жол полициясының бастығына пара алған деген күдікпен іс қозғалды


Көкшетау қалалық ішкі істер басқармасының жол полициясы бөлімінің бастығы полиция подполковнигі Т.-ға қарсы Ұлттық қауіпсіздік комитетінің Ақмола облысы бойынша департаменті Қылмыстық кодекстің 177-ші бабының 2-ші бөлігінің «в» тармағы бойынша («Қызмет бабын пайдаланып жасалған алаяқтық») айып тағылып, қылмыстық іс қозғалып отыр, деп хабарлайды «Қазақстан Бүгін» агенттігі.

Күдікті наурыздың 6-сы күні жол ережесін бұзған адамнан 30 мың теңге (400 АҚШ доллары) пара ретінде алып жатыр деген күдікпен ұсталған. ҰҚК облыстық департаменті бұл ақпаратқа қатысты Азаттыққа түсінік беруден бас тартты.
XS
SM
MD
LG