Қырғыз әуе базасына қатысты келіссөздер жалғаспақ

Хабарларға қарағанда, АҚШ пен Қырғызстан Манас әуе базасына қатысты келіссөздерін жалғастырмақ. Өткен айда Қырғызстан Ауғанстандағы АҚШ күштерін жабдықтармен қамтамасыз ету үшін пайдаланылатын Манас әуе базасы жабылады деп шешкен болатын. Бірақ бірқатар ақпарат агенттіктері жоғары лауазымды АҚШ ресми өкілінің мәлімдемесіне сілтеме жасап, Вашингтон әлгі базаның болашағына қатысты келіссөздерді одан әрі жалғастыруға келісті деп хабарлады.