Президент Барак Обама жұма күні АҚШ-тың Ауғанстандағы жаңа стратегиясын жариялады. Обаманың мәлімдеуінше, Ауғанстандағы жағдай өте қауіпті және оның әкімшілігі Ауғанстан мен Пәкістандағы Әл-Қаиданы жоюды өзіне мақсат етіп қойған. Барак Обама Ауғанстан армиясын жаттықтыру үшін АҚШ-тың 4 мың нұсқаушысын жіберуге шақырды. Бұдан бұрын тамыз айындағы президент сайлауы алдында Вашингтон Ауғанстанға қосымша 17 мың сарбаз жібереді деп жарияланған болатын. Обама әкімшілігі сондай-ақ Ауғанстандағы жемқорлық мәселесіне аса назар аудармақ.
Сонымен қатар Обама Пәкістан үкіметі ел шекарасындағы Әл-Қаиданы жою мақсатындағы міндеттемелерін көрсетуі тиіс деп мәлімдеді. Пәкістанда тұрақтылық орнатуға көмектесу үшін Конгрестен жыл сайын 1.5 миллиард доллар бөлуді сұраймын, деді Обама.
Сонымен қатар Обама Пәкістан үкіметі ел шекарасындағы Әл-Қаиданы жою мақсатындағы міндеттемелерін көрсетуі тиіс деп мәлімдеді. Пәкістанда тұрақтылық орнатуға көмектесу үшін Конгрестен жыл сайын 1.5 миллиард доллар бөлуді сұраймын, деді Обама.
