Ирақ армиясы сүнниттерді қаруын тастауға шақырды

Ирақ әскері Бағдадтағы сүннит тобынан қаруын тастауды талап етті. Оған себеп – сенбі күні Бағдадта АҚШ әскері мен Ирақ армиясы сүнниттер тобымен қақтығысып қалып, кем дегенде 3 кісі оққа ұшты. Бұл қақтығыс - терроризммен айналысты деген күдікпен жергілікті сүнниттер тобының көсемі Әл-Машһадани тұтқындалған күні - сенбі де шықты. Бұл топ бұрын АҚШ армиясымен бірге Әл-Қаида ұйымына қарсы тұрған көтерілісшілерден тұрады.