Иран жаңа ядролық ұсыныстарын әзірледі

Теһран өзінің ядролық бағдарламасы төңірегіндегі дауды шешуге бағытталған келіссөздер үшін ұсыныстарын әзірледі. Бұл туралы Иран президенті Махмуд Ахмадинежад мәлімдеді. Оның айтуынша, бұл ұсыныстар таяу арада әлемнің алпауыт елдеріне жолданбақ. Әлгі келіссөздерге Германия мен БҰҰ Қауіпсіздік кеңесінің тұрақты мүше елдері жетекшілік етеді. Өткен жылы Иран өз елінде уран байытатын халықаралық консорциум құруды ұсынған болатын.