Түрік-армян қатынасының жақсаруына Баку қарсы

Түркияның сыртқы істер министрі Әли Бабажан Арменияда екі жақты қарым-қатынасты жақсарту мәселесі бойынша келіссөз жүргізеді.
Бейсенбі күні Арменияның сыртқы істер министрі Эдуард Налбандян мәлімдегендей, соңғы уақытта екі елдің арасында толыққанды қатынас орнату жолында айтарлықтай жетістік болды.
Түрік-армян қатынастарының жақсаруына Түркияны дос ел санайтын Әзірбайжан қарсы болып отыр. Бакудің мәлімдеуінше, Таулы Қарабақ дауында Арменияның уәжге келуі түрік-армян келісімінің шарты болуға тиіс.