«Жағдай бақылау астында» дейді Грузия президенті

«Тбилиси жанындағы базадағы оқиға қауіпті болған еді, алайда қазір жағдай реттелді» деді Михаил Саакашвили. Ол елдің солтүстігіндегі көршісін бопсалау әрекеттерінен бойын аулақ салуға шақырды. Ресми Тбилиси осы іске араласы бар деп Ресейді айыптауда.

Ресейдің НАТО-дағы өкілі Дмитрий Рогозин ол іске Ресейдің қатысы бар деген айыптауды жоққа шығарып отыр.

НАТО бір айға созылатын жаттығуларын үстіміздегі аптада бастауы тиіс.

Грузияда аталған жаттығулардың өткізілуі Ресейдің ашу-ызасын келтіруде.