Осы қалада болған бейбіт шеруге Өзбек үкімет күштері оқ атқан болатын. Куәгерлердің сөздеріне сүйене отырып, хұқық қорғау ұйымдарының айтуынша, сол басып-жаншу кезінде бірнеше жүздеген қарапайым азамат қаза болған. Алайда оқиғаға халықаралық зерттеу жүргізуге Өзбек үкіметі рұқсат берген емес. Amnesty International ұйымы ЕуроОдаққа арналған ашық хатын бүгін жариялап отыр. Ол хатта Әндіжан оқиғасына тәуелсіз зерттеу жүргізуге күш салуға одақты шақыруда.
