Өзбекстанның шығысында атыс болды

Полиция белгісіз қарулылармен атысты дейді куәлар. Бұл атыс Ханабад қаласында болды ма, әлде Қырғызстанмен шекарада орын алды ма, ол жағы ілкі сәтте белгісіз болған еді. Ханабадтан 80 шақырым жердегі Әндіжан тұрғындары кем дегенде бір жарылысты таңертең естігендерін және қалада қазір әскерилердің көбейіп кеткенін айтуда. Қырғыз ресмилерінің Азаттыққа хабарлауынша, арадағы шекара Өзбек үкіметінің өтінішімен жабылып тасталған екен.