Климаттың өзгеруінен жылына 315 мың адам құрбан болуда

Жаңа баяндамаға қарағанда, ғаламдық климаттың өзгеруі салдарынан жылына шамамен 315 мың адам құрбан болуда. 2030 жылға дейін аштық пен аурулардан сондай-ақ табиғи апаттардан қаза болып жатқандардың саны жылына жарты миллионға өсуі мүмкін. Женевада орналасқан Ғаламдық гуманитарлық форумның зерттеулерінде ғаламдық ауа-райының жылынуы жылына 325 миллион адамға кесірін тигізуде делінген. Сонымен қатар климаттың өзгеруінен болған жылдық экономикалық шығындар 125 миллиард доллардан асады делінген бұл баяндамада. БҰҰ-ның бұрынғы бас хатшысы Ғаламдық гуманитарлық форумның президенті Кофи Аннанның мәлімдеуінше, климаттың өзгеруі қазіргі заманның ең күрделі гуманитарлық проблемасы боп табылады.