Франция ұшағымен байланыс үзілді

Эйр-Франс компаниясының ұшағымен Атлантика мұхитында байланыс үзілді. Құрлықтағы диспетчерлік қызмет дүйсенбі күні таңертең Парижге аттанған Airbus A330 ұшағымен байланысты жоғалтты. Рио-де-Жанейро әуе жайынан ұшып шыққан бұл ұшақта кемінде 228 адам болған. Бразилия әуе күштерінің баспасөз хатшысының айтуынша, Эйр-Франстың ұшағы қазір Фернандо де Норонха аралында іздестірілуде.