Австрия тергеушілерінің айтуынша, қаңтар айында Венада шешен диссидентін өлтірген адам елден қашып кетіп, Шешенстанда жасырынып жүрген болуы мүмкін. «Курьер» басылымының хабарлауынша, Шешенстан президенті Рамзан Қадыровтың өткір сыншысы Умар Исраиловты өлтірген адамның аты-жөнін полиция біледі. Қадыров бұл өлімге ешқандай қатысы жоқ екенін айтты. Өткен айда Австрияның “Die Presse” газетіне берген сұхбатында ол Исраиловты Шешенстанға оралуға көндіріп көрмекші болғанын мәлімдеді.
