Иран құрлықтан әуеге ұшырылатын жаңа зымыранын өндіруді бастағанын хабарлап отыр. Иран бұқаралық ақпарат құралдарының айтуынша, қорғаныс министрі Мостафа Мохаммад Нажжар жаңа қорғаныс жүйесі 40 шақырымнан ұзақ қашықтыққа жетеді және ол өте тез жылдамдықпен жаулардың ұшақтары мен тікұшақтарын соға алады деп мәлімдеген. Оның алдында Израиль Иранды оның ядролық бағдарламасына байланысты бомбылауы ықтимал деген даулы хабарлар шыққан болатын.
