Оңтүстік Кореяның барлау агенттігі Солтүстік Кореяның басшысы Ким Чен Ирдің сырқаттанып, хал үстінде жатқаны туралы ақпарды растай алмайтынын мәлімдеді. Оңтүстік Кореяның YTN телекомпаниясы Оңтүстік Корея мен Қытайдың барлау қызметтеріндегі құпия мәлімет көздеріне сілтеме жасап, Ким Чен Ирдің асқазанынан қатерлі ісіктің шыққанын хабарлады. Одан бұрынғы хабар бойынша, 1 жыл бұрын коммунистік Кореяның көсемі басына қан құйылып, инсульт алыпты. Таяуда ғана Солтүстік Кореяның теледидары айтарлықтай азған және шашы сиреген 67 жастағы Ким Чен Ирді көрсетті. Бұл бейнесюжет Пхеньянның ядролық және соғыс зымырандарын сынақтан өткізуне байланысты Корея түбегінде ахуал ушыққан кезде көрсетілді.
Жаңалықтар
Көз сала отырыңыз
-
![«Оқушы қыз зорланған» ауыл дүрлікті. Зағамбарға арнайы жасақ кірді]()
Түркістан облысы"Оқушы қызды жәбірлеген". Зағамбар ауылында не болды?
-
![Дайыр ауылының тұрғыны Нәзигүл Қорықпасованың үйін көмір жағып жылытатын пештің күлін алып отыр. Шығыс Қазақстан облысы Зайсан ауданы. 14 наурыз, 2024 жыл.]()
Шығыс Қазақстан облысыКеніш үстіндегі Зайсан ауданының ауылдары неге газбен қамтылмай қалды?
