Accessibility links

Ющенко Украинаның НАТО-ға мүше болуына сенім артады


Украина президенті Виктор Ющенко БҰҰ Бас Ассамблеясының саммитіне қатысу үшін барған Нью-Йорктегі сапарында Украинаның НАТО-ға мүше болу мүмкіндігін алға тартты.

Дүйсенбі күні Нью-Йоркте сөйлеген сөзінде Ющенко Украинаның НАТО-ға қабылдану мүмкіндігін көршілес Ресейдің ішкі ісіне араласуына қарсы тәуелсіздік кепілі ретінде сипаттады.

Ющенко 1917-1991 жылдар аралығында Украина алты мәрте тәуелсіздік жариялағандығын, одан бес мәрте айрылып қалғандығын атап көрсетті.

Associated Press агенттігіне берген сұхбатында Ющенко елдің НАТО-ға мүшелікке қабылдануын қолдайтындар саны өсіп келе жатқандығын айтқан.

Сонымен қатар, сұхбат барысында Ющенко елде өзіне деген қолдаудың төмен екендігіне қарамастан, келесі жылдың қаңтар айындағы президенттік сайлауда жеңіске жетуді көздейтіндігін мәлімдеді.

AzattyqTV

XS
SM
MD
LG