Обама Израиль мен Палестинаны келісімге шақырды

АҚШ президенті Барак Обама Израиль мен Палестина жетекшілерін шұғыл түрде әрекет етіп, Палестина мемлекетін құруға әкелетін келіссөздерді бастауға шақырды.

Обама бұл туралы сейсенбі күні БҰҰ-ның Нью-Йорктегі жиыны аясында өткізген үшжақты келісөздері барысында айтты. Израиль премьер-министрі Биньямин Нетаньяху мен Палестина жетекшісі Махмуд Аббас Обаманың шақыруымен өткен келіссөздерге қатысты.

АҚШ президенті тараптардан алдағы аптада кеңірек талқылаулар үшін Вашингтонға өз өкілдерін жіберуді сұраған.