Қазақстанда жеке сот орындаушысы институты енгізіледі

Қазақстанда жеке сот орындаушысы институты енгізіледі деп хабарлады Жоғарғы соттың сот әкімшілігі жөніндегі комитет төрағасы Бақтияр Өнербаев.

Сәрсенбі күні парламент сенатының жалпы отырысында сөйлеген Өнербаев орындаушылық өндірісі жүйесін реформалауды қарастыратын заң жобасы жоғарғы палатада талқыланып, толықтырулар енгізілген нұсқасы мәжіліске қайтарылғандығын атап көрсетті.

Өнербаевтың айтуынша, заң жобасы мемлекеттік және жеке сот орындаушысының қатар жұмыс істеуін қарастырады.