Қаржы полициясы: ІІМ-мен арада жанжал жоқ

Қазақстанның ішкі істер министрлігі мен қаржы полициясының арасында жанжал жоқ деп мәлімдеді қаржы полициясының ресми өкілі Мұрат Жұманбай.

Сәрсенбі күні Астанада баспасөз конференциясын өткізген Жұманбай екі мекеменің өзара қарым-қатынасы дұрыс деді, бірақ ол «бірқатар жағдайларда облыстарда шұғыл әрекет кезінде келіспеушіліктер болып қалады» деп мойындады.

Бұған дейін ІІМ-нің баспасөз хатшысы Қуанышбек Жұманов қаржы полициясы ішкі істер министрлігінің қызметкерлеріне қатысты арандатушылық әрекеттерге барады деп мәлімдеген болатын.