Пәкістандағы шабуылдан 40-тан аса адам құрбан болды

Пәкістанның тынышсыз Суат жазығы жанында орын алған жарылыстан 40-тан аса адам қаза тапты деп хабарланып отыр. Полицияның айтуынша, елдің солтүстік-батысындағы аймақтың Шангла ауданындағы базарда бір жанкешті кісі әскери көлікті нысанаға алып, өзін-өзі жарып жіберген.

Провинциялық Ақпарат министрі Миян Ифтихар Хуссайнның мәлімдеуінше, бұл шабуылдан сондай-ақ 45 адам жарақат алған, ал құрбан болғандардың дені бейбіт тұрғындар.