Ирандағы қастандықты сүннит тобы іске асырды

Ресми Теһран жуырда Иранның Ислам төңкерісі сақшылары корпусының қызметкерлеріне қарсы жасалған қастандыққа БҰҰ-ның наразылық білдіруін талап етеді.
Иранның Ұлттар Ұйымындағы елшісі Мохаммад Хазаи бұл талаптың мән-жапсарын Вьетнамның елшісіне жолдаған хатында жан-жақты түсіндірді.
Хатта Иранның шығысындағы 42 адам қаза тапқан қастандық жарылысты сүннитердің «Джундалла» тобының өз мойнына алғаны айтылады.
Одан бұрын Пәкістан үкіметі Иранның қастандықты тергеуіне жан-жақты көмек көрсететінін мәлімдеген болатын.