Тәжік президенті мыңдаған тұтқынға рахымшылық жасады

Тәжікстан президенті Имомали Рахмон бүгін шамамен 10 мың тұтқынға рахымшылық жасау туралы заңға қол қойды.

Осы жылы тәжік халқы ел конституциясының 15 жылдығын атап өтеді. Рахымшылық жасау туралы заң жасөспірім кезінде қылмыс жасаған әйелдер мен ер азаматтарды сондай-ақ соғыс ардагерлері мен мүгедектерді қамтиды.

Абақтыдан босатылайын деп жатқан азаматтардың саны Тәжікстан түрмелерінде отырған тұтқындардың шамамен жартысын құрайды.