Пәкістанда зымыран соққысынан 4 адам қаза тапты

АҚШ-тың алыстан басқарылатын ұшағы деп күдіктелген зымыран шабуылынан төрт адам қаза тапқан.

Оңтүстік Вазиристандағы әл-Қаида мен талибандар бақылауындағы аймаққа екі бірдей зымыран тасталған.

Пәкістанның барлау ресмилері Норак ауылындағы үйге берілген зымыран соққысынан төрт содыр өлтірілді деп отыр.

Пәкістандық қауіпсіздік ресмилері талибан бүлікшілері бұл аймақты өз бақылауларына алған және олардың денесі қираған үйінді астынан шығарылды деді.