Құқық қорғау ұйымы Қырғызстан үкіметін құқық қорғаушыларды босатуға шақырды

«Хьюман Райтс Вотч» құқық қорғау ұйымы Қырғызстан үкіметін құқық қорғау қозғалысының екі белсендісін босатуға шақырды.

Ош қаласында іссапармен жүрген «Мемориал» құқық қорғау орталығының мүшесі, ресейлік Бахром Хамроев пен қырғыз құқық қорғаушысы Иззатила Рахматалиевті 18-қараша күні Қырғызстан Мемлекеттік қауіпсіздік қызметінің өкілдері ұстап алған.

«Хьюман Райтс Вотч»-тың Орталық Азиядағы өкілі Андреа Берг құқық қорғаушы ұсталуы олардың қызметтерімен байланысты деп мәлімдеді.