Ялтада Қазақстан мен Ресей үкіметінің басшылары кездеспек

Бүгін Ялтада Қазақстанның премьер-министрі Кәрім Мәсімов пен Ресей үкіметінің басшысы Владимир Путин кездеседі, — деп хабарлайды «Новости-Казахстан» агенттігі.

Екі ел премьер-министрлерінің кездесуі ТМД үкімет басшылары кеңесінің отырысы алдында жоспарланған.

ТМД үкімет басшылары кеңесінің отырысында Достастық ұйымы бюджеті, дағдарысты жеңу жөніндегі шаралар сияқты мәселелерді қарастырмақ.