Назарбаев Беларусь еліне сапармен барады

Бүгін Қазақстан президенті Нұрсұлтан Назарбаев екі күндік ресми сапармен Беларусь еліне барады, деп хабарлайды Қазақстанның сыртқы істер министрлігі.

Сапар барысында Беларусь басшылығымен кездесуде ғылыми-техникалық және экономика салаларында екі елдің әріптестік мәселелері талқыланбақ. Сапар қортындысы бойынша екіжақты келісімдерге қол қою жоспарланған.

Сондай-ақ Нұрсұлтан Назарбаев қарашаның 27-күні өтетін Еуразиялық экономикалық қауымдастықтың мемлекетаралық кеңесінің кезекті отырысына қатысады.