Обама ауған стратегиясын жақынарада жариялайтынын айтты

АҚШ президенті Барак Обама Ауғанстан бойынша Құрама Штаттардың жаңа стратегиясын жақын күндері жариялайтынын, сегіз жылдық соғыстан кейінгі жоспар жұмысты аяқтауға бағытталатынын айтты.

Обама бұл туралы Үндістан премьер-министрімен бірге өткізген баспасөз мәслихаты кезінде айтты.

Обаманың бұл мәлімдемесі дүйсенбі күні ол жетекші кеңесшілерімен Ауғанстанға қосымша американ жасақтарын жіберу керек пе, жоқ па деген мәселені ақырғы рет талқылаған соң айтылып отыр.