Киевте ЕуроОдақ-Украина саммиті өтеді

Еуропа Одағының ресмилері бүгін Киевте Украина жетекшілерімен кездеседі. ЕуроОдақ-Украина басқосуына сондай-ақ Еуропа Комиссиясының президенті Жозе Мануэл Баррозу қатысады. ЕуроОдақ ресмилері Ресеймен арадағы газ дауының қайталанбауы жөнінде Украинадан кепілдік алмақшы. Өткен жылы Киев пен Мәскеу арасындағы газ дауына байланысты миллиондаған еуропалықтар көгілдір отынсыз қалған болатын.

Еуропа Одағы сондай-ақ Украинаны елде реформалар жасауға шақырмақшы.