Солтүстік Кавказда имамның өліміне қатысты үш адам ұсталды

Бүгін Карачай-Черкесияда имам қажы Бостановтың өліміне өліміне байланысты үш күдікті ұсталды.

Азаттықтың орыс қызметінің хабарлауынша, Солтүстік Кавказ аймағында ұсталғандардың біреуі ресми адам болса, қалған екеуі жұмыссыз екен.

Тергеушілер имамның өліміне діни жеккөрушілік түрткі болған дейді.

Карачай-Черкесия мен Ставрополь өлкесіндегі мұсылмандардың рухани жетекшісі имам Бостанов қыркүйек айының 20-да Черкеск қаласында өлтірілген.