Обама әуе қауіпсіздігі мәселесін талқылайды

АҚШ президенті Барак Обама бүгін американдық қауіпсіздік мекемелерінің басшыларымен бірге әуе жолдарының қауіпсіздігі және терроризмге қарсы күрес мәселесін қарайды.

Мәжілістен соң Обама арнайы мәлімдеме жасайды деп жоспарланған.

Дүйсенбі күні Ақ үй АҚШ-қа ұшатын жолаушыларын жеке тексеруден өткізуі тиіс 14 мемлекеттің тізімін жариялады. Олардың қатарында Йемен, Нигерия, Сауд Арабиясы, Ауғанстан, Ирақ және Иран бар.

Бұл іс-шаралар Нигерия азаматының жақында американдық лайнерді жарып жіберуге талпынысынан кейін қабылданып отыр.