Грузияда бүгін орыс тілінде хабар беретін жаңа телеарна жұмысын бастады. Бірінші Кавказ арнасы деп аталатын мұндай телеарнаны іске қосу президент Михаил Саакашвилидің бастамасы болған. Оған үкіметтен бірнеше миллион доллар қаржы бөлінген.
Жаңа телеарна Грузия мен қатар Ресейге және басқа бірнеше шетелге хабар тарататын болады.
Грузия оппозициясының бірқатар өкілдері мұндай жаңа телеарнаның ашылуын билік тарабының «арандатушылығы» деп атады.
