Того футболшылары еліне оралды

Жұма күні Ангола аумағында шабуылға ұшыраған Того футбол құрамасы еліне қайтты – ұлттық құрама Африка кубогы жолындағы жарыстарға қатыспайды.

Бұған дейін футболшылар шабуылдан қайтыс болғандарды еске алу мақсатында турнирге қатысатындықтарын айтқан еді. Алайда жексенбі күні Того премьер-министрі Жильбер Унгбо олардың елге оралуын талап етті.

Футболшылар мінген автобус Анголаның Кабинда провинциясында жікшілдердің шабуылына ұшырады. Қастандық әрекеттен үш адам қаза болды, сегіз кісі жараланды.