Пәкістандағы жарылыстан саясаткер жараланды

Пәкістанның Пешауар қаласында орын алған жарылыстан төрт адам жараланды. Олардың арасында Талибан мен оның исламшыл одақтастарына қарсылық танытып келген провинциялық саясаткер бар деп хабарланып отыр.

Саясаткер Аурангзеб Хан Пәкістандағы пуштундардың Ауами Ұлттық партиясының мүшесі боп табылады. Оның бауыры Ааламгир Хан өткен жылы Факирабад аумағында болған шабуылдан қаза тапқан еді.