Талибандар БҰҰ өкілімен кездескені жайлы хабарды жоққа шығарды

Талибан қозғалысы өздерінің өкілі Ауғанстандағы БҰҰ-ы миссиясының басшысы Кай Ейдамен кездескені туралы ақпаратты теріске шығарды.

Батыстың бірқатар ақпарат құралдарында осы айда Ейда мен Дубайдағы талибандар келіссөздер жүргізді деп айтылған. Талибан қозғалысының жетекшісі ол хабарларды негізсіз, өсек-аяңнан шыққан әңгіме деп айтты.

Ал БҰҰ-ның өкілі Кай Ейда мұндай кездесулер туралы қоғам алдында жариялаған емес.