Путин өткен жылы апатқа ұшыраған су электр станциясын іске қосты

Ресей премьер-министрі Владимир Путин Сібірдегі су электр станциясындағы алғашқы турбинаны іске қосты.

Өткен жылдың тамыз айында Саян-Шушенск станциясында орын алған апаттан 75 адам қаза тапқан болатын. Осы апаттан кейін Ресейдің ең ірі бөгеніндегі электр энергия өндірісі тоқтап қалған-ды.

"РусГидро" компаниясы осы жылы 4 турбинаны, ал 2014 жылға дейін барлық 10 турбинаны қалпына келтіруді жоспарлап отыр.